اردو مزاح : جنت سے جون ایلیا کا خط انور مقصود کے نام۔

 ﺍﻧﻮ ﺟﺎﻧﯽ، ﺗﻤﮩﺎﺭﺍ ﺧﻂ ﻣﻼ، ﭘﺎﮐﺴﺘﺎﻥ ﮐﮯ ﺣﺎﻻﺕ ﭘﮍﮪ ﮐﺮ ﮐﻮﺋﯽ ﺧﺎﺹ ﭘﺮﯾﺸﺎﻧﯽ ﻧﮩﯿﮟ ﮨﻮﺋﯽ۔ ﯾﮩﺎﮞ ﺑﮭﯽ ﺍﺳﯽ ﻗﺴﻢ ﮐﮯ ﺣﺎﻻﺕ ﭼﻞ ﺭﮨﮯ ﮨﯿﮟ۔ﺷﺎﻋﺮﻭﮞ ﺍﻭﺭ ﺍﺩﯾﺒﻮﮞ ﻧﮯ مر مر ﮐﺮ ﯾﮩﺎﮞ ﮐﺎ ﺑﯿﮍﺍ غرق ﮐﺮ ﺩﯾﺎ ﮨﮯ۔ﻣﺠﮭﮯ ﯾﮩﺎﮞ ﺑﮭﺎﺋﯿﻮﮞ ﮐﮯ ﺳﺎﺗﮫ ﺭﮨﻨﮯ ﮐﺎ ﮐﮩﺎ ﮔﯿﺎ ﺗﮭﺎ، ﻣﯿﮟ ﻧﮯ ﮐﮩﺎ ﮐﮧ ﻣﯿﮟ ﺯﻣﯿﻦ ﭘﺮ ﺑﮭﯽ ﺑﮭﺎﺋﯿﻮﮞ ﮐﮯ ﺳﺎﺗﮫ ﮨﯽ ﺭﮨﺎ ﮐﺮﺗﺎ ﺗﮭﺎ، ﻣﺠﮭﮯ ﺍﯾﮏ ﺍﻟﮓ ﮐﻮﺍﺭﭨﺮ ﻋﻨﺎﯾﺖ ﻓﺮﻣﺎﺋﯿﮟ۔ﻣﺼﻄﻔﯽٰ ﺯﯾﺪﯼ ﻧﮯ ﯾﮧ ﮐﺎﻡ ﮐﺮ ﺩﯾﺎ ﺍﻭﺭ ﻣﺠﮭﮯ ﮐﻮﺍرٹرﻣﻞ ﮔﯿﺎ، ﻣﮕﺮ ﺍﺱ ﮐﺎ ﮈﯾﺰﺍﺋﻦ ﻧﺜﺮﯼ ﻧﻈﻢ ﮐﯽ ﻃﺮﺡ ﮐﺎ ﮨﮯ ﺟﻮ ﺳﻤﺠﮫ ﻣﯿﮟ ﺗﻮ ﺁﺟﺎﺗﯽ ﮨﮯ ﻟﯿﮑﻦ ﯾﺎﺩ ﻧﮩﯿﮟ ﺭﮨﺘﯽ، ﺭﻭﺯﺍﻧﮧ ﺑﮭﻮﻝ ﺟﺎﺗﺎ ﮨﻮﮞ ﮐﮧ ﻣﯿﺮﺍ ﺑﯿﮉ ﺭﻭﻡ ﮐﮩﺎﮞ ﮨﮯ۔ ﻟﯿﮑﻦ ﺍﺱ ﮐﻮﺍﺭﭨﺮ ﻣﯿﮟ ﺭﮨﻨﮯ ﮐﺎ ﺍﯾﮏ ﻓﺎﺋﺪﮦ ﮨﮯ، ﻣﯿﺮ ﺗﻘﯽ ﻣﯿﺮ ﮐﺎ ﮔﮭﺮ ﺳﺎﻣﻨﮯ ﮨﮯ۔ ﺍﻥ ﮐﮯ 250 ﺍﺷﻌﺎﺭ ﺟﻦ ﻣﯿﮟ ﻭﺯﻥ ﮐﺎ ﻓﻘﺪﺍﻥ ﺗﮭﺎ، ﻧﮑﺎﻝ ﭼﮑﺎ ﮨﻮﮞ ﻣﮕﺮ ﻣﯿﺮ ﺳﮯ ﮐﮩﻨﮯ ﮐﯽ ﮨﻤﺖ ﻧﮩﯿﮟ ﮨﻮ ﺭﮨﯽ۔ ﮐُﻮﭼﮧ ﺷﻌﺮ ﻭ ﺳﺨﻦ ﻣﯿﮟ ﺳﺐ ﺳﮯ ﺑﮍﺍ ﮔﮭﺮ ﻏﺎﻟﺐ ﮐﺎ ﮨﮯ۔ﻣﯿﮟ ﻧﮯ ﻣﯿﺮ ﺳﮯ ﮐﮩﺎ ﺁﭖ ﻏﺎﻟﺐ ﺳﮯ ﺑﮍﮮ ﺷﺎﻋﺮ ﮨﯿﮟ ﺁﭘﮑﺎ ﮔﮭﺮ ﺍﯾﻮﺍﻥِ ﻏﺎﻟﺐ ﺳﮯ ﺑﮍﺍ ﮨﻮﻧﺎ ﭼﺎﮨﺌﮯ، ﻣﯿﺮ ﻧﮯ ﮐﮩﺎ ، ﺩﺭﺍﺻﻞ ﻭﮦ ﮔﮭﺮ ﻏﺎﻟﺐ ﮐﮯ ﺳﺴﺮﺍﻝ ﮐﺎ ﮨﮯ، ﻏﺎﻟﺐ ﻧﮯ ﺍﺱ ﭘﺮ ﻗﺒﻀﮧ ﺟﻤﺎ ﻟﯿﺎ ﮨﮯ۔ﻣﯿﺮ ﮐﮯ ﮔﮭﺮ ﮐﻮﺋﯽ ﻧﮩﯿﮟ ﺁﺗﺎ، ﺳﺎﻝ ﺑﮭﺮ ﮐﮯ ﻋﺮﺻﮯ ﻣﯿﮟ ﺑﺲ ﺍﯾﮏ ﺑﺎﺭ ﻧﺎﺻﺮ ﮐﺎﻇﻤﯽ ﺁﺋﮯ ﻭﮦ ﺑﮭﯽ ﻣﯿﺮ ﮐﮯ ﮐﺒﻮﺗﺮﻭﮞ ﮐﻮ ﺩﯾﮑﮭﻨﮯ ﮐﮯ ﻟﺌﮯ۔ﺍﯾﻮﺍﻥِ ﻏﺎﻟﺐ ﻣﻐﺮﺏ ﮐﮯ ﺑﻌﺪ ﮐﮭﻼ ﺭﮨﺘﺎ ﮨﮯ، ﺟﺲ ﮐﯽ ﻭﺟﮧ ﺗﻢ ﺟﺎﻧﺘﮯ ﮨﻮ ﻣﺠﮭﮯ ﮐﯿﺎ ﺑُﺮﺍ ﺗﮭﺎ، ﮔﺮ ﺍﯾﮏ “ ﺑﺎﺭ ” ﮨﻮﺗﺎ۔ ﯾﮩﺎﮞ ﺁﮐﺮ ﯾﮧ ﻣﺼﺮع ﻣﺠﮭﮯ ﺳﻤﺠﮫ ﻣﯿﮟ ﺁﯾﺎ۔ ﺍﺱ ﻣﯿﮟ “ ﺑﺎﺭ ” ﺍﻧﮕﺮﯾﺰﯼ ﻭﺍﻻ ﮨﮯ۔ ﺩﻭ ﻣﺮﺗﺒﮧ ﻏﺎﻟﺐ ﻧﮯ ﻣﺠﮭﮯ ﺑﮭﯽ ﺑﻠﻮﺍﯾﺎ ﻟﯿﮑﻦ ﻣﻨﯿﺮ ﻧﯿﺎﺯﯼ ﻧﮯ ﯾﮩﺎﮞ ﺑﮭﯽ ﻣﯿﺮﺍ ﭘﺘﺎ ﮐﺎﭦ ﺩﯾﺎ۔ﺳﻮﺩہ ﮐﺎ ﮔﮭﺮ ﻣﯿﺮﮮ ﮔﻮﺍﺭﭨﺮ ﺳﮯ ﺳﻮ ﻗﺪﻡ ﮐﮯ ﻓﺎﺻﻠﮯ ﭘﺮ ﮨﮯ۔ﯾﮩﺎﮞ ﺁﻧﮯ ﮐﮯ ﺑﻌﺪ ﻣﯿﮟ ﺍﻥ ﺳﮯ ﻣﻠﻨﮯ ﮔﯿﺎ، ﻣﺠﮭﮯ ﺩﯾﮑﮭﺘﮯ ﮨﯽ ﮐﮩﻨﮯ ﻟﮕﮯ، ﻣﯿﺎﮞ ! ﺗﻢ ﻣﯿﺮﺍ ﺳﻮﺩﺍ ﻻ ﺩﯾﺎ ﮐﺮﻭ۔ﻣﺎﻥ ﮔﯿﺎ۔ ﺳﻮﺩﮦ ﮐﺎ ﺳﻮﺩﺍ ﻻﻧﺎ ﻣﯿﺮﮮ ﻟﺌﮯ ﺑﺎﻋﺚ ﻋﺰﺕ ﮨﮯ۔ ﻟﯿﮑﻦ ﺟﺎﻧﯽ ! ﺟﺐ ﺳﻮﺩﮦ ﺣﺴﺎﺏ ﻣﺎﻧﮕﺘﮯ ہیں ﺗﻮ ﻣﺠﮫ ﭘﺮ ﻗﯿﺎﻣﺖ ﮔﺰر ﺟﺎﺗﯽ ہے۔ﺟﻨﺖ ﮐﯽ ﻣﺮﻏﯽ ﺍﺗﻨﯽ ﻣﮩﻨﮕﯽ ﻟﮯ ﺁﺋﮯ، ﺣﻠﻮﮦ ﮐﯿﺎ ﻧﯿﺎﺯ ﻓﺘﺢ ﭘﻮﺭﯼ ﮐﯽ ﺩﮐﺎﻥ ﺳﮯ ﻟﮯ ﺁﺋﮯ؟، ﺗﻤﮩﯿﮟ ﭨﯿﻨﮉﻭﮞ ﮐﯽ ﭘﮩﭽﺎﻥ ﻧﮩﯿﮟ ﮨﮯ؟ ﮨﺮ ﭼﯿﺰ ﭘﮧ ﺍﻋﺘﺮﺍﺽ۔ ﻣﺠﮭﮯ ﻟﮕﺎ ﺗﮭﺎ ﮐﮧ ﻭﮦ ﺷﮏ ﮐﺮﻧﮯ ﻟﮕﮯ ﮨﯿﮟ ﮐﮧ ﻣﯿﮟ ﺳﻮﺩﮮ ﻣﯿﮟ ﺳﮯ ﭘﯿﺴﮯ ﺭﮐﮫ ﻟﯿﺘﺎ ﮨﻮﮞ۔ 4 ﺭﻭﺯ ﭘﮩﻠﮯ ﻣﯿﮟ ﻧﮯ ﺍﻥ ﺳﮯ ﮐﮩﮧ ﺩﯾﺎ ﮐﮧ ﻣﯿﮟ ﺍﺭﺩﻭ ﺍﺩﺏ ﮐﯽ ﺗﺎﺭﯾﺦ ﮐﺎﻭﺍﺣﺪ ﺷﺎﻋﺮ ﮨﻮﮞ ﺟﻮ ﺍﺳﯽ ﻻﮐﮫ ﮐﯿﺶ ﭼﮭﻮﮌ ﮐﮯ ﯾﮩﺎﮞ ﺁﯾﺎ ﮨﮯ۔ﺁﭘﮑﮯ ﭨﯿﻨﮉﻭﮞ ﺳﮯ ﮐﯿﺎ ﮐﻤﺎﺅﮞ ﮔﺎ۔ﺁﭘﮑﻮ ﺑﮍﺍ ﺷﺎﻋﺮ ﻣﺎﻧﺘﺎ ﮨﻮﮞ ﺍﺱ ﻟﺌﮯ ﮐﺎﻡ ﮐﺮﻧﮯ ﮐﻮ ﺗﯿﺎﺭ ﮨﻮﺍ، ﺁﭘﮑﯽ ﺷﺎﻋﺮﯼ ﺳﮯ ﮐﺴﯽ ﻗﺴﻢ ﮐﺎ ﻓﺎﺋﺪﮦ ﻧﮩﯿﮟ ﺍﭨﮭﺎﯾﺎ، ﺁﭘﮑﯽ ﮐﻮﺋﯽ ﺯﻣﯿﻦ ﺍﺳﺘﻌﻤﺎﻝ ﻧﮩﯿﮟ ﮐﯽ۔ﺁﺋﯿﻨﺪﮦ ﺍﭘﻨﺎ ﺳﻮﺩﺍ ﻓﯿﺾ ﺍﺣﻤﺪ ﻓﯿﺾ ﺳﮯ ﻣﻨﮕﻮﺍﯾﺎ ﮐﯿﺠﯿﺌﮯ، ﺗﺎﮐﮧ ﺁﭘﮑﺎ ﺗﮭﻮﮌﺍ ﺑﮩﺖ ﻗﺮﺽ ﺗﻮ ﭼﮑﺎﺋﯿﮟ۔ﻣﯿﺮﮮ ﮨﺎﺗﮫ ﻣﯿﮟ ﺑﯿﻨﮕﻦ ﺗﮭﺎ، ﻭﮦ ﺍﻥ ﮐﻮ تھمایا ﺍﻭﺭ ﮐﮩﺎ : ﺑﯿﻨﮕﻦ ﮐﻮ ﻣﯿﺮﮮ ﮨﺎﺗﮫ ﺳﮯ ﻟﯿﻨﺎ ﮐﮧ ﭼﻼ ﻣﯿﮟ ﺍﯾﮏ ﺷﮩﺪ ﮐﯽ ﻧﮩﺮ ﮐﮯ ﮐﻨﺎﺭﮮ ﺍﺣﻤﺪ ﻓﺮﺍﺯ ﺳﮯ ﻣﻼﻗﺎﺕ ﮨﻮﺋﯽ، ﻣﯿﮟ ﻧﮯ ﮐﮩﺎ ﻣﯿﺮﮮ ﺑﻌﺪ ﺁﺋﮯ ﮨﻮ ﺍﺱ ﻟﺌﮯ ﺧﻮﺩ ﮐﻮ ﺑﮍﺍ ﺷﺎﻋﺮ ﻣﺖ ﺳﻤﺠﮭﻨﺎ، ﻓﺮﺍﺯ ﻧﮯ ﮐﮩﺎ، ﻣﺸﺎﻋﺮﮮ ﻣﯿﮟ ﻧﮩﯿﮟ ﺁﯾﺎ۔ ﭘﮭﺮ ﻣﺠﮫ ﺳﮯ ﮐﮩﻨﮯ ﻟﮕﮯ، ﺍﻣﺮﺍﺅ ﺟﺎﻥ ﮐﮩﺎﮞ ﺭﮨﺘﯽ ﮨﮯ؟ ﻣﯿﮟ ﻧﮯ ﮐﮩﺎ، ﺭﺳﻮﺍ ﮨﻮﻧﮯ ﺳﮯ ﺑﮩﺘﺮ ﮨﮯ ﮔﮭﺮ ﭼﻠﮯ ﺟﺎﺅ، ﻣﺠﮭﮯ ﻧﮩﯿﮟ ﻣﻌﻠﻮﻡ ﮐﮩﺎ ﻭﮦ ﮐﮩﺎﮞ ﺭﮨﺘﯽ ﮨﮯ۔ ﺟﺎﻧﯽ ! ﺍﯾﮏ ﺣُﻮﺭ ﮨﮯ ﺟﻮ ﮨﺮ ﺟﻤﻌﺮﺍﺕ ﮐﯽ ﺷﺎﻡ ﻣﯿﺮﮮ ﮔﮭﺮ ﺁﻟﻮ ﮐﺎ ﺑﮭﺮﺗﺎ ﭘﮑﺎ ﮐﮯ ﻟﮯ ﺁﺗﯽ ﮨﮯ۔ﺷﺎﻋﺮﯼ ﮐﺎ ﺑﮭﯽ ﺷﻮﻕ ﮨﮯ، ﺧﻮﺩ ﺑﮭﯽ ﻟﮑﮭﺘﯽ ﮨﮯ، ﻣﮕﺮ ﺟﺎﻧﯽ ! ﺟﺘﻨﯽ ﺩﯾﺮ ﻭﮦ ﻣﯿﺮﮮ ﮔﮭﺮ ﺭﮨﺘﯽ ﮨﮯ ﺻﺮﻑ ﻣﺸﺘﺎﻕ ﺍﺣﻤﺪ ﯾﻮﺳﻔﯽ ﮐﺎ ﺫﮐﺮ ﮐﺮﺗﯽ ﮨﮯ۔ﺍﺱ ﮐﻮ ﺻﺮﻑ ﻣﺸﺘﺎﻕ ﺍﺣﻤﺪ ﯾﻮﺳﻔﯽ ﺳﮯ ﻣﻠﻨﮯ ﮐﺎ ﺷﻮﻕ ﮨﮯ۔ ﻣﯿﮟ ﻧﮯ ﮐﮩﺎ، ﺧﺪﺍ ﺍﻥ ﮐﻮ ﻟﻤﺒﯽ ﺯﻧﺪﮔﯽ ﺩﮮ، ﭘﺎﮐﺴﺘﺎﻥ ﮐﻮ ﺍﻥ ﮐﯽ ﺑﮩﺖ ﺿﺮﻭﺭﺕ ﮨﮯ، ﺍﮔﺮ ﻣﻠﻨﺎ ﭼﺎﮨﺘﯽ ﮨﻮ ﺗﻮ ﺯﻣﯿﻦ ﭘﺮ ﺟﺎﺅ، ﺟﺲ ﻗﺴﻢ ﮐﯽ ﺷﺎﻋﺮﯼ ﮐﺮ ﺭﮨﯽ ﮨﻮ ﮐﺮﺗﯽ ﺭﮨﻮ، ﻭﮦ ﺧﻮﺩ ﺗﻤﮩﯿﮟ ﮈﮬﻮﻧﮉ ﻧﮑﺎﻟﯿﮟ ﮔﮯ ﺍﻭﺭ ﭘﮑﻨﮏ ﻣﻨﺎﻧﮯ ﺳﻤﻨﺪﺭ ﮐﮯ ﮐﻨﺎﺭﮮ ﻟﮯ ﺟﺎﺋﯿﻨﮕﮯ۔ﺍﺑﻦِ ﺍﻧﺸﺎﺀ، ﺳﯿﺪ ﻣﺤﻤﺪ ﺟﻌﻔﺮﯼ، ﺩﻻﻭﺭ ﻓﮕﺎﺭ، ﻓﺮﯾﺪ ﺟﺒﺎﻝ ﭘﻮﺭﯼ ﺍﻭﺭ ﺿﻤﯿﺮ ﺟﻌﻔﺮﯼ ﺍﯾﮏ ﮨﯽ ﮐﻮﺍﺭﭨﺮ ﻣﯿﮟ ﺭﮨﺘﮯ ﮨﯿﮟ۔ ﺍﻥ ﻟﻮﮔﻮﮞ ﻧﮯ 9 ﻧﻮﻣﺒﺮ ﮐﻮ ﺍﻗﺒﺎﻝ ﮐﯽ ﭘﯿﺪﺍﺋﺶ ﮐﮯ ﺳﻠﺴﻠﮯ ﻣﯿﮟ ﮈﻧﺮ ﮐﺎ ﺍﮨﺘﻤﺎﻡ ﮐﯿﺎ ﺗﮭﺎ۔ﺍﻗﺒﺎﻝ، ﻓﯿﺾ، ﻗﺎﺳﻤﯽ، ﺻﻮﻓﯽ ﺗﺒﺴﻢ، ﻓﺮﺍﺯ ﺍﻭﺭ ﮨﻢ ﻭﻗﺖِ ﻣﻘﺮﺭﮦ ﭘﺮ ﭘﮩﻨﭻ ﮔﺌﮯ۔ﮐﻮﺍﺭﭨﺮ ﻣﯿﮟ ﺍﻧﺪﮬﯿﺮﺍ ﺗﮭﺎ ﺍﻭﺭ ﺩﺭﻭﺍﺯﮮ ﭘﺮ ﭘﺮﭼﯽ ﻟﮕﯽ ﺗﮭﯽ “ : ﮨﻢ ﻟﻮﮒ ﺟﮩﻨﻢ ﮐﯽ ﺑﮭﯿﻨﺲ ﮐﮯ ﭘﺎﺋﮯ ﮐﮭﺎﻧﮯ ﺟﺎ ﺭﮨﮯ ﮨﯿﮟ، ﮈﻧﺮ ﺍﮔﻠﮯ ﺳﺎﻝ 9 ﻧﻮﻣﺒﺮ ﮐﻮ ﺭﮐﮭﺎ ﮨﮯ۔ ” ﺍﮔﻠﮯ ﺩﻥ ﺍﻗﺒﺎﻝ ﻧﮯ ﭘﺮﯾﺲ ﮐﺎﻧﻔﺮﻧﺲ ﮐﯽ ﺍﻭﺭ ﺍﻥ ﺳﺐ ﮐﯽ ﺍﺩﺑﯽ ﻣﺤﻔﻠﻮﮞ ﻣﯿﮟ ﺷﺮﮐﺖ ﭘﺮ ﭘﺎﺑﻨﺪﯼ ﻟﮕﺎ ﺩﯼ۔ ﺗﻢ ﻧﮯ ﺍﭘﻨﮯ ﺧﻂ ﻣﯿﮟ مشفق ﺧﻮﺍﺟﮧ ﮐﮯ ﺑﺎﺭﮮ ﻣﯿﮟ ﭘﻮﭼﮭﺎ ﺗﮭﺎ۔ ﻭﮦ ﯾﮩﺎﮞ ﺍﮐﯿﻠﮯ ﺭﮨﺘﮯ ﮨﯿﮟ، ﮐﮩﯿﮟ ﻧﮩﯿﮟ ﺟﺎﺗﮯ ۔ ﻣﮕﺮ ﺣﯿﺮﺕ ﮐﯽ ﺑﺎﺕ ﮨﮯ ﺟﺎﻧﯽ ! ﻣﯿﮟ ﻧﮯ ﺍﻥ ﮐﮯ ﮔﮭﺮ ﺍﺭﺩﻭ ﺍﻭﺭ ﻓﺎﺭﺳﯽ ﮐﮯ ﺑﮍﮮ ﺑﮍﮮ ﺷﺎﻋﺮﻭﮞ ﮐﻮ ﺁﺗﮯ ﺟﺎﺗﮯ ﺩﯾﮑﮭﺎ ﮨﮯ۔ﯾﮩﺎﮞ ﺁﻧﮯ ﮐﯽ ﺟﻠﺪﯼ ﻧﮧ ﮐﺮﻧﺎ ﮐﯿﻮﻧﮑﮧ ﺗﻤﮩﺎﺭﮮ ﻭﮨﺎﮞ ﺭﮨﻨﮯ ﻣﯿﮟ ﻣﯿﺮﺍ ﺑﮭﯽ ﻓﺎﺋﺪﮦ ﮨﮯ۔ﺍﮔﺮ ﺗﻢ ﺑﮭﯽ ﯾﮩﺎﮞ ﺁﮔﺌﮯ ﭘﮭﺮ ﻭﮨﺎﮞ ﻣﺠﮭﮯ ﮐﻮﻥ ﯾﺎﺩ ﮐﺮﮮ ﮔﺎ؟؟؟ ﺟﯿﺘﮯ ﺭﮨﻮ ﺍﻭﺭ ﮐﺴﯽ ﻧﮧ ﮐﺴﯽ ﭘﺮ ﻣﺮﺗﮯ ﺭﮨﻮ،ﮨﻢ ﺑﮭﯽ ﮐﺴﯽ ﻧﮧ ﮐﺴﯽ ﭘﺮ ﻣﺮﺗﮯ ﺭﮨﮯ ﻣﮕﺮ ﺟﺎﻧﯽ ! ﺟﯿﻨﮯ ﮐﺎ ﻣﻮﻗﻊ ﻧﮩﯿﮟ ﻣﻼ۔